Салата з яблыкаў, яек і сыру

Можа быць карысна пры наяўнасці такіх пабочных эфектаў лячэння як памяншэнне вагі; млоснасць і ваніты.

Інгрэдыенты:

— 2-3 цыбуліны
— 2 вараныя яйкі
— 70 г цвёрдага сыра
— 2-3 яблыкі
— 60-70 г хатняга маянэзу
— зеляніна — па жаданні

Чытаць/Скачаць на беларускай і рускай мовах можна ТУТ.

Спосаб прыгатавання:

Салату можам гатаваць слаямі непасрэдна ў салатніку.
Чысцім ад лупіны яйкі і цыбулю, у яблыкаў выдаляем асяродак. Першым слоем наразаем цыбулю тонкімі колцамі. Каб не гарчыла, цыбулю можна абліць кіпенем, затым — халоднай вадой, і старанна адціснуць. Цыбульны слой змазваем маянэзам.
Другі слой – здробненыя на буйной тарцы яйкі, змазаныя маянэзам.
Трэці слой – здробнены на буйной тарцы сыр, змазаны маянэзам.
Апошні слой – здробненыя на буйной тарцы яблыкі, таксама палітыя маянэзам.
Пры падачы можна дадаць зеляніну.

Смачна есці!

Дзякуем Ірыне Жыхар за падрыхтоўку рэцэпта.