Салата з гарбуза, яблыка і цыбулі

Можа быць карысна пры наяўнасці такіх пабочных эфектаў лячэння як павялічэнне вагі; завала (запор); змяненне нюху і смаку.

Інгрэдыенты :

— 150 г гарбуза
— 75 г яблыка
— рэпчатая цыбуля — на смак
— зеляніна (любая) — на смак
— 1 ст.л соку цытрыны

У якасці запраўкі – хатні маянэз, смятана або ёгурт.

Чытаць/Скачаць на беларускай і рускай мовах можна ТУТ.

Спосаб прыгатавання:

Чысцім ад лупіны гарбуз і цыбулю.
Дробна наразаем цыбулю і зеляніну, здрабняем на буйной тарцы гарбуз і яблык. Спырскваем яблык сокам цытрыны.
Усе інгрэдыенты па чарзе перакладаем у салатнік.
Запраўляем салату і дбайна змешваем .
Адразу падаем да стала.

Смачна есці!

Дзякуем Ірыне Жыхар за падрыхтоўку рэцэпта.