Запечаны гарбуз з курыным філе

Рэцэпт на кожны дзень.

Інгрэдыенты: — 2-3 сярэднія морквы — 1 цыбуліна — 0,8-1 кг курынага філе — 0,8-1 кг ачышчанага гарбуза — прыправы для курыцы – на смак — хатні маянэз ці алей – на смак

Чытаць/Скачаць на беларускай і рускай мовах можна ТУТ.

Спосаб прыгатавання:

• Моркву здрабняем на буйной тарцы, цыбулю наразаем на маленькія кубікі, усё пасеруем.
• Гарбуз чысцім ад лупіны і асяродка і наразаем на пласціны шырынёй 5 мм. Калі нязручна, можам нацерці на буйной тарцы.
• Курынае філе прапускаем праз мясасечку і дадаём прыправы ў фарш.
• На бляху выкладваем першым слоем гарбуз і злёгку паліваем хатнім маянэзам ці алеем. Другім слоем выкладваем пасераваную моркву з цыбуляй, ізноў дадаём маянэз ці алей. Апошнім слоем выкладваем курыны фарш, пасыпаем сырам і дадаём маянэз ці алей.
• Запякаем у духоўцы пры тэмпературы 180 градусаў каля 30-40 хвілін. Падаем гарачым.

Дзякуем Валянціне Грынько за падрыхтоўку рэцэпта.

Смачна есці!