Салата з салеры, яблыка і курынага філе

Рэцэпт на кожны дзень.

Інгрэдыенты: — 1 курынае філе (300 г) — 1 зялёны яблык — 3 сцябліны маладой салеры — жменя грэцкіх арэхаў — 2 ст. лыжкі хатняга маянэза або смятаны (бліжэй да 100 г) — соль, молаты чорны перац – на смак

Чытаць/Скачаць на беларускай і рускай мовах можна ТУТ.

Спосаб прыгатавання:

• Курынае філе заліваем вадой і варым на працягу 30 хвілін з моманту закіпання. Пры гэтым злёгку солім ваду, пры жаданні можна дадаць лаўровы ліст і перац. Гатовае курынае мяса падзяляем на валокны ўручную.
• Сцябліны салеры наразаем тонкімі пласцінамі (пажаданая таўшчыня — каля 1-1,5 мм).
• Грэцкія арэхі злёгку здрабняем.
• У яблыка выдаляем асяродак, пры жаданні зразаем лупіну, разразаем яго на 4 часткі, а затым шаткуем тонкімі пласцінамі. Каб яблык не пацямнеў, можна апырскаць цытрынавым сокам.
• Змешваем усе інгрэдыенты. Дадаём соль і перац на смак.
• Затым запраўляем салату маянэзам або смятанай і змешваем. Запраўкі павінна быць столькі, каб здавалася, быццам бы яшчэ крыху не хапае, але гэта будзе як раз тая самая колькасць: вы пераканаецеся ў гэтым, паспрабаваўшы салату, бо салера вельмі сакавітая.
• Падаем салату адразу да стала.

Дзякуем Валянціне Грынько за падрыхтоўку рэцэпта.

Смачна есці!