Карп з начынкай з грэцкай кашы

Рэцэпт на кожны дзень.

Інгрэдыенты: — 1 карп (800 – 1000 г) — 100 г грэцкіх круп — 1 цыбуліна — 1 яйка — 1 ч. л сметанковага масла — 50 г смятаны — Соль – на смак — Молаты чорны перац – на смак

Чытаць/Скачаць на беларускай і рускай мовах можна ТУТ.

Спосаб прыгатавання:

• Варым рассыпістую грэцкую кашу.
• Чысцім ад лускі карп, патрашым, выдаляем з галавы жабры, мыем, солім у сярэдзіне і зверху.
• Абсмажваем цыбулю, дадаём яе, соль і чорны молаты перац да грэцкай кашы, убіваем яйка, перамешваем.
• Кашай начыняем рыбіну разам з галавою, выкладваем яе ў пасудзіну адпаведнай формы, змазаную сметанковым маслам, уліваем смятану і трошкі вады.
• Запякаем у духоўцы 45-50 хвілін пры тэмпературы 180-200 градусаў.
• Пры жаданні ў грэцкую кашу можна дадаць крыху свежых грыбоў, падсмажаных разам з цыбуляй.

Смачна есці!

Рэцэпт нацыянальнай кухні з кнігі Ларысы Мятлеўскай “Беларускі кулінарны сшытак №1” (2015)