Індычка з грыбамі ў шампанскім

у адаптацыі шэф-кухара Алены Мікульчык.
Рэцэпт нацыянальнай кухні.

Інгрэдыенты: — 1 кг філе індычкі — 400 г шампіньёнаў — 50 г труфельнай пасты — 100 г сметанковага масла 82.5% — 100-150 мл шампанскага — 20 -30 г пшанічнай мукі — чорны молаты перац – на смак — соль – на смак — соус Бешамель

Чытаць/Скачаць на беларускай і рускай мовах можна ТУТ.

Спосаб прыгатавання:

• Рыхтуем топленае масла. Для гэтага сметанковае масла наразаем кавалачкамі, выкладваем у сатэйнік з тоўстым дном і на невялікім агні разаграваем. Падчас вытоплівання абавязкова прыбіраем белую пену датуль, пакуль вадкасць не стане празрыстай, без дамешак.
• Шампіньёны мыем і наразаем. Калі грыбы маленькія, то разразаем іх на дзве часткі, калі буйныя, то на чатыры.
• Філе індычкі наразаем на некалькі буйных частак. Перчым, солім, абвальваем у муцэ і абсмажваем на топленым масле да залацістай скарыначкі з усіх бакоў. Затым уліваем шампанскае ў патэльню, накрываем вечкам і тушым 7-10 хвілін. За гэты час індычка цалкам прыгатуецца і будзе мяккай усярэдзіне.
• Дастаем індычку з патэльні, а ў топленае масла з шампанскім дадаём падрыхтаваныя грыбы і труфельную пасту. Солім, перчым, праграваем 7-10 хвілін.
• Даем індычцы крыху астыць і наразаем парцыённымі кавалкамі.
• Падаем на стол з соусам Бешамель, дэкаруем грыбамі і чаборам. Можна дадаткова паліць падліўкай, якая засталася на патэльні.

Смачна есці!