у адаптацыі шэф-кухара Алены Мікульчык.
Рэцэпт нацыянальнай кухні.
 |
Інгрэдыенты:
— 60 г сметанковага масла |
Чытаць/Скачаць на беларускай і рускай мовах можна ТУТ.
Спосаб прыгатавання:
- У патэльні растопліваем сметанковае масла, дадаём да яго муку, мяшаем да атрымання аднастайнай масы. Праграваем сумесь некалькі хвілін.
- Павольна ўліваем у сумесь цёплае малако, размешваючы венчыкам, каб не было камякоў.
- Затым уліваем вяршкі.
- Дадаём мускатным арэх, чорны молаты перац і соль. Памешваючы 7-10 хвілін, даводзім да гатоўнасці на невялікім агні. Калі соус загусцее, значыць, ён гатовы.
Смачна есці!
Гістарычная даведка:
Соус бешамель
На працягу стагоддзяў бешамель з’яўляецца фаварытам у кулінарыі, і ўвесь гэты час не сунімаюцца спрэчкі: хто першым яго прыгатаваў і якая краіна мае права называцца яго радзімай.
Згодна з італьянскай версіяй, соус бешамель з’явіўся ў Францыі з лёгкай рукі Кацярыны Медычы, якая ў 1533 годзе ўзяла шлюб з французскім прынцам Генрыхам дэ Валуа. На весельны баль яна прывезла 40 лепшых італьянскіх кухараў, якія віртуозна прадэманстравалі сваё кулінарнае майстэрства. У ліку іншых нацыянальных страваў быў пададзены белы соус бальзамэла. Гэты соус меў даўнюю гісторыю: яшчэ ў антычнасці кухары пачалі загушчаць соусы мукой і к Сярэднявеччу рэцэпт соуса бальзамэла ўжо сфармаваўся. Новы соус вясельныя госці ацанілі высока і ён заняў сваё месца ў французскім меню, але пад французскім імем.
Па французскай версіі соус стварыў адзін з французскіх арыстакратаў маркіз Луі дэ Бешамель пад час сваёй працы мажардомам пры двары караля Людовіка ХІV. Паводле легенды маркіз падаў да стала караля Людовіка ХІV рыбу пад белым соусам, які стварыў на аснове вядомага соусу велютэ і назваў сваім імем. Іншая легенда сцвярджае, што маркіз толькі ўдасканаліў ужо вядомы ў той час рэцэпт, які прыдумаў П’ер дэ Ла Варэн, знакаміты французскі кухар і аўтар кулінарных кніг.
Як яно было на самой справе, дакладна мы ўжо не даведаемся. Але што важна зазначыць: сёння соус бешамель уваходзіць у пяцёрку французскіх соусаў, якія называюць вялікімі, бо на іх аснове гатуюцца болей за 3 тысячы шматлікіх соусаў! Соус бешамель – не только вельмі смачны, але і самы няшкодны з усіх, рыхтуецца проста і хутка, з даступных інгрэдыентаў. Яго могуць есці нават тыя, хто мае праблемы са страўніка-кішачным шляхам. У Італіі гэты соус называюць Besciamella, у Францыі — la sauce à la Bèchamel. У кнігах ХІХ стагоддзя соус бешамель згадваецца даволі часта, а ў кнізе Вінцэнты Завадскай “Літоўская кухарка” (1854 г.) ён апісваецца як звычайны соус, які павінна ведаць кожная гаспадыня. Прычым сустракаюцца розныя яго варыяцыі: з даданнем булёну, белага віна, цытрынавага соку, траў. Мы прапануем вам рэцэпт класічнага соусу бешамель ад шэф-кухара Алены Мікульчык.
Гістарычная даведка падрыхтавана па матэрыялах знаўцы беларускай кухні Алены Мікульчык.
