у адаптацыі шэф-кухара Алены Мікульчык.
Рэцэпт нацыянальнай кухні.
|
|
Інгрэдыенты: — 0,5 кг чорнага хлебаДля пікантнай тварожнай намазкі: — 200 г тварагу ці тварожнага сыру (адыгейскага ці клінковага) — 50 г сметанковага масла — 20-30 г французскай гарчыцы — перац і соль – на смак — агурок (свежы або марынаваны) і зялёны лук — па жаданніДля зялёнай намазкі: — уся вясновая трава, якая вырасла на агародзе: чарамша, зялёная цыбуля, часнoк, кроп, пятрушка, шпінат, снітка, крапіва — 1 свежы гурок — 2 вараныя яйкі — смятана тлустая — плаўлены сырок — па жаданні |
Чытаць/Скачаць на беларускай і рускай мовах можна ТУТ.
Спосаб прыгатавання:
- Хлеб можна проста падсушыць у духоўцы ці падсмажыць на алеі ці топленым сметанковым масле.
- Размінаем тварог, дадаём да яго мяккае сметанковае масла, гарчыцу, соль і перац. Старанна перамешваемы. Можам дадаць парэзаны дробным кубікам свежы або марынаваны гурок.
- Снітку і крапіву абавязкова бланшыруем да мяккасці на працягу 3-5 хвілін, даем сцячы і адціскаем.
- Усю зеляніну дробна наразаем у другі посуд, дадаём здробненыя яйкі і гурок, па жаданні — плаўлены сырок. Запраўляем смятанай, перчым і солім на смак. Прапорцыі — на ваш густ.
- Намазваем на хлеб зялёную намазку, з тварожнай робім шарыкі і ўкладваем зверху. Кавалачкі хлеба пажадана рабіць невялікімі, каб зручна было з’есці скібку за адзін прыём.
Смачна есці!
Гістарычная даведка:
Скібка з зелянінай і тварагом
Ішоў 1520 год. Рыцары Тэўтонскага ордэна трымаюць аблогу замка Ольштын, камендантам якога ў той час быў Мікалай Капернік. Сярод абложаных пачалася эпідэмія, прычым, як заўважыў Капернік, хварэлі тыя, хто ўжываў у ежу хлеб. Капернік выказаў здагадку, што хлеб гнюсіцца пры падзенні на зямлю. Тады ён прапанаваў намазваць хлеб сметанковым маслам, на якім пасля любога падзення лёгка было б заўважыць бруд. Такім метадам Капернік быццам бы перамог эпідэмію і вынайшаў першы бутэрброд. «Пры чым тут Капернік?» — спытаеце Вы. А пры тым. Легенда прыпісвае яму славу вынаходніцтва першага бутэрброда ў той час, калі нашыя продкі ведалі такі спосаб ужывання хлеба са старадаўніх часоў, але называлі гэта скібкай. Намазвалі на хлеб не толькі сметанковае масла, але і алей (канапляны, ільняны, аліўкавы, а пазней і сланечнікавы), мёд, варэнне. Яшчэ шмат хто з нас памятае, як верхнюю частку кавалка хлеба апускалі ў ваду, а затым у цукар. Гэта таксама скібка. Вельмі арыгінальную скібку з зелянінай шэф-кухар Алена Мікульчык, якая гатовая распавядаць гісторыіі па кожнай старажытнай страве, прапануе прыгатаваць самім. Рэцэпт вам у дапамогу, шаноўныя чытачы!
Гістарычная даведка падрыхтавана па матэрыялах знаўцы беларускай кухні Алены Мікульчык.
