Гультайскі штрудзель

Рэцэпт на кожны дзень.

Інгрэдыенты: — 150 г гатовага бездражджавога лаваша — 2-3 яблыкі (каля 300 г) — 80 г разынак — 30 г топленага або сметанковага масла — карыца – на смак — цукровая пудра — па жаданні

Чытаць/Скачаць на беларускай і рускай мовах можна ТУТ.

 Спосаб прыгатавання:

• Разынкі прамываем і заліваем гарачай вадой на 10 хвілін.
• Яблыкі наразаем невялікімі кубікамі. Калі яны вельмі цвёрдыя, то лепш прыпусціць на патэльні без масла з невялікай колькасцю вады, каб сталі мякчэй.
• Лаваш разгортваем на стале. Палову прамазваем размякчаным маслам.
• Насыпаем на прамазаны ўчастак яблыкі, падрыхтаваныя разынкі і карыцу і згортваем лаваш рулетам.
• На бляху, высланую паперай для выпечкі, выкладваем лаваш, зверху прамазваем маслам і ставім у разагрэтую да 180 градусаў духоўку на 20-25 хвілін, пакуль штрудзель не набудзе залацісты колер.
• Дастаем яго з духоўкі і па жаданні пасыпаем цукровай пудрай.

Дзякуем Наталлі Сыравегінай за падрыхтоўку рэцэпта.

Смачна есці!