Грыбная мачанка

Рэцэпт на кожны дзень.

Інгрэдыенты: — 100 г сушаных лясных грыбоў (або 400 г змарожаных ці шампіньёнаў) — 2 цыбуліны — 1 ст.л мукі — 1 ст.л сметанковага масла — 4 ст.л смятаны — соль – на смак — чорны молаты перац – на смак

Чытаць/Скачаць на беларускай і рускай мовах можна ТУТ.

Спосаб прыгатавання:

• Грыбы адварваем (можна дадаць чабор для водару), наразаем саломкай ці кубікам.
• Муку пасеруем на сметанковым масле і разводзім невялікай колькасцю ахалоджанага грыбнога адвару. Затым уліваем у асноўную частку грыбнога адвару.
• Цыбулю пасеруем і дадаём разам са смятанай, соллю і перцам у адвар.
• Атрыманым соусам заліваем грыбы, даводзім да кіпення і выключаем.
• Падаем з варанай бульбай або блінамі.

Дзякуем МаІ Бараноўскай за падрыхтоўку рэцэпта.

Смачна есці!