Навукоўцы актыўна даследуюць пытанне, зніжае ці павышае кава рызыку розных відаў раку. Вынікі кажуць, што, магчыма, кава зніжае рызыку раку печані і эндаметрыя. Аднак тут можа накладацца факт курэння, чый уплыў можа збіваць вынікі*.
Ёсць пэўны аб’ём фактычных звестак, які пацвярджае, што ў мужчынаў і жанчынаў кава зніжае рызыку раку поласці рту, глоткі, дыхніцы, а таксама базальнаклетачнага раку скуры, а ў жанчын, імаверна, — злаякаснай меланомы*,**.
Ужыванне надта гарачых напояў (вышэй за 65°C ці 149°F), кавы ці гарбаты, напрыклад, можа павышаць рызыку раку стрававода. Нядаўні метааналіз*** пацвердзіў гэты вынік. Ужыванне кавы і іншых напояў пры сярэдніх тэмпературах (то бок, не вельмі гарачымі) можа быць карысным.
| Не зусім зразумелыя патэнцыйныя механізмы, пры дапамозе якіх кава можа станоўча ўплываць на рызыку развіцця некаторых відаў раку. |
У абсмажанай каве ёсць сотні біялагічна актыўных злучэнняў, у тым ліку кафеін, флаваноіды, лігнаны і іншыя поліфенолы. Было даказана, што гэтыя і іншыя рэчывы (якія ёсць у каве) павышаюць расход энэргіі, сцішваюць пашкоджанне клетак, рэгулююць гены, удзельнічаюць у рамонце ДНК, маюць супроцьзапаленчыя ўласцівасці і/або тармозяць метастазаванне*,**.
Кава таксама ўплывае на час праходжання змесціва праз кішэчнік і метабалізм канцэрагенаў у пячонцы, таму гэтыя чыннікі могуць спрыяць зніжэнню рызыкі некаторых відаў раку страўнікава-кішачнага тракта.
Азнаёміцца з брашурай па прафілактыцы раку можна ТУТ.
