Салата з чырвоных буракоў, брынзы і рукалы

Можа быць карысна пры наяўнасці такіх пабочных эфектаў лячэння як  страта апетыту; змяненне нюху і смаку; завала (запор); стомленасць.

Інгрэдыенты: – 2 невялікія вараныя чырвоныя буракі – вялікі пучок (40-50 г) рукалы – 40 г брынзы (ці іншага мяккага сыру) – 1 невялікі зубок часнаку – 2 ч.л аліўкавага алею – не больш за 1 ст.л насення сланечніка (і гарбуза — па жаданні) – 0,5 ст.л смятаны

Чытаць/Скачаць на беларускай і рускай мовах можна ТУТ.

Спосаб прыгатавання:

• Бурак адварваем, астуджаем, чысцім ад лупіны, як і часнок. Рукалу папярэдне мыем і сушым. Насенне сланечніка злёгку абсмажваем.
• Бурак наразаем тонкімі слайсамі. Выкладваем па колу па краі талеркі, сярэдзіну пакідаем незанятай.
• Рукалу кладзем горкай у сярэдзіну талеркі.
• Рыхтуем сырную пасту. Для гэтага брынзу разамнем відэльцам, здрабнім на дробнай тарцы часнок, дадамо смятану. Старанна перамяшаем.
• Выкладваем пасту зверху на рукалу.
• Пасыпаем салату насеннем сланечніка.
• Спырскваем бурак аліўкавым алеем.

Смачна есці!

Рэцэпт Наталлі Сыравегінай з “Книги вкусных и полезных рецептов для онкопациентов и их близких”, 2019.