Можа быць карысна пры наяўнасці такіх пабочных эфектаў лячэння як страта апетыту; сухасць і язвы ў роце і горле, цяжкасць з глытаннем; памяншэнне вагі; млоснасць і ваніты; нейтрапенія.
Інгрэдыенты:
— 2 л вады
— 400-600 г курынай грудкі ці філе індычкі
— 100-120 г бульбы
— 300-400 г кабачка
— 100-120 г морквы
— 1 цыбуліна для булёна
— 200 мл вяршкоў любой тлустасці (па жаданні)
— соль, спецыі, зеляніна — на смак
— сухарыкі з хлеба (па жаданні)
Чытаць/Скачаць на беларускай і рускай мовах можна ТУТ.
Спосаб прыгатавання:
- Папярэдне адварваем мяса. Калі выкарысталі хатнюю птушку, то суп можам гатаваць на мясным булёне. Першую ваду пасля закіпання пажадана зліць.
- Чысцім моркву, цыбулю і бульбу. Наразаем на невялікія кубікі моркву, на буйныя – бульбу. Цыбулю кладзем цалкам.
- Накрышаную гародніну перакладаем у каструлю, дадаём ваду (ці булён) і варым да паўгатоўнасці (пасля закіпання каля 10-15 хвілін).
- Потым дадаём у каструлю нарэзаны на невялікія кубікі кабачок і варым яшчэ хвілін 10.
- Наразаем на кубікі мяса і дадаём да ўжо зваранай гародніны. Пры жаданні вараную цыбулю можна прыбраць.
- Адразу дадаём спецыі і соль.
- Гушчыню супу можна мяняць. Для гэтага частку булёна трэба адліць у асобны посуд.
- Здрабняем змесціва каструлі блэндэрам і дабаўляем пакрысе адліты булён для атрымання патрэбнай кансістэнцыі супу.
- Вяршкі дадаём па жаданні. Тлустасць вяршкоў – на смак. АЛЕ! Абавязкова кіпяцім пасля дабаўлення вяршкоў!
- Зеляніну наразаем і пасыпаем гарачы суп у парцыйнай талерцы перад падачай.
- Суп-пюрэ можна есці як лыжкай, так і праз саломку.
- Калі застаўся булён, яго можна замарозіць у лядоўні на наступны раз.
Смачна есці!
Дзякуем Ірыне Жыхар за падрыхтоўку рэцэпта.
