Курыца з яблыкамі і чорнай сліўкай

у адаптацыі шэф-кухара Алены Мікульчык.
Рэцэпт нацыянальнай кухні.

Інгрэдыенты: — 300 г курынага філе — 150 г яблыкаў ачышчаных — 120 г чорнай сліўкі — 150 г смятаны — 70 г вяршкоў 20% — 2 ст. л алею — 2 ст. л сметанковага масла — 1 ст. л пшанічнай мукі — соль – на смак — чорны молаты перац – на смак

Чытаць/Скачаць на беларускай і рускай мовах можна ТУТ.

Спосаб прыгатавання:

• Філе курыцы наразаем уздоўж валокнаў на невялікія палоскі, солім, перчым, абвальваем у муцэ і абсмажваем на сумесі алею і сметанковага масла ў сатэйніку да лёгкай залацістай скарыначкі, не накрываючы вечкам.
• Чорную сліўку замочваем у гарачай вадзе на 10 хвілін, старанна прамываем і наразаем на кавалачкі (на дзве часткі, калі сліўка невялікага памеру, або на тры, калі буйны).
• Яблык чысцім ад лупіны, выдаляем асяродак, разразаем на 8 роўных частак, пасля чаго здрабняем на невялікія кавалачкі.
• У сатэйнік да падсмажанай курыцы дадаём накрышаныя фрукты, заліваем сумессю смятаны і вяршкоў, дадаткова солім і перчым, добра змешваем і тушым пад зачыненым вечкам на маленькім агні 25-30 хвілін.

Смачна есці!