У 2023 годзе Сусветны дзень гінекалагічнай анкалогіі* праходзіць пад дэвізам “Ідзіце на тэсціраванне. Ідзіце для прафілактыкі. Ідзіце для правільнага лячэння”.
Уважлівае стаўленне да свайго здароўя ў спалучэнні са здаровым ладам жыцця з’яўляецца ключавой стратэгіяй прафілактыкі гінекалагічнага раку.
Планавыя працэдуры скрынінга і тэсціравання могуць даць карысную інфармацыю аб рызыцы развіцця раку. Гэта можа навучыць нас крокам, якія мы можам зрабіць, каб паменшыць гэтую рызыку. У некаторых выпадках вынікі тэстаў таксама могуць дапамагчы нашым лекарам выбраць лепшае лячэнне для канкрэтнага тыпу раку.
Чаму скрынінгі важныя?
Задача скрынінга — як мага хутчэй выявіць вірус або перадінвазіўныя раннія парушэнні, каб не было неабходнасці ва ўмяшанні. Ці, калі ўмяшанне неабходна, звесці лячэнне да мінімуму.
Пап-тэсты (мазок Папаніколау) і тэст на ВПЧ — гэта спецыяльныя тэсты, якія выкарыстоўваюцца гінеколагамі падчас скрынінга рака шыйкі маткі і якія вы можаце зрабіць і па ўласнай ініцыятыве. Гэта не тэсты на рак. Гэта тэсты, якія дапамагаюць прадухіліць рак.
Беражыце сябе і не марудзьце з развагамі, патрэбна ці не. Патрэбна.
* World GO Day – праект Еўрапейскага таварыства гінекалагічнай анкалагіі (ESGO) і Еўрапейскай сеткі груп па абароне інтарэсаў пацыентак (ENGAGe), накіраваны на павышэнне дасведчанасці аб анкагінекалагічных захворванняў.
