Запечаны духмяны гарбуз

Можа быць карысна пры наяўнасці такіх пабочных эфектаў лячэння як памяншэнне вагі; завала (запор); змяненне нюху і смаку; стомленасць; нейтрапенія.

Інгрэдыенты: — 1 кг гарбуза — 2-3 ст. л. алею — 1 ч. л кмена — 2-3 зубчыка часнаку — дробка (не больш за 1/3 ч.л) мускатнага арэха — чорны молаты перац – на смак — салодкая папрыка — на смак — соль — на смак

Чытаць/Скачаць на беларускай і рускай мовах можна ТУТ.

Спосаб прыгатавання:

• Змазваем часткай алею форму для запякання.
• Ачышчаны ад лупіны і насення гарбуз разразаем на невялікія кубікі і выкладваем у форму роўным слоем пажадана ў адзін рад.
• Ачышчаны ад лупіны часнок дробна сячэм нажом і пасыпаем зверху гарбуз. Пасля пасыпаем молатым мускатным арэхам, чорным молатым перцам, соллю, кменам, папрыкай.
• Пры жаданні можам перамяшаць.
• Напрыканцы апырскваем гарбуз алеем, які застаўся.
• Запякаем гарбуз у духоўцы пры тэмпературы 200°С 20-30 хвілін.

Смачна есці!

Дзякуем шэф-кухару Алене Мікульчык за  карысны рэцэпт нацыянальнай кухні!