Шарлотка

Рэцэпт на кожны дзень.

Інгрэдыенты: — 250 г яблыкаў (пераважней кісла-салодкія) — 50 г суцэльназерневай мукі — 3 яйкі — 80 г топленага масла (можна ўзяць аліўкавы алей) — 3 ст.л смятаны — 1 ст.л цукру — 0,5 ч.л разрыхляльніка — ванілін, карыца — па гусце — разынкі, гваздзіка, кардамон — па жаданні

Чытаць/Скачаць на беларускай і рускай мовах можна ТУТ.

Спосаб прыгатавання:

• Растопліваем масла і змешваем з цукрам. Дадаём яйкі. Узбіваем калатоўкай. Дадаём смятану, ванілін, карыцу.
• Працягваючы ўзбіваць, усыпаем муку і разрыхляльнік. Замешваем цеста. Па жаданні дадаём разынкі, гваздзіку, кардамон.
• Форму для выпечкі высцілаем паперай для выпечкі.
• Вымытыя яблыкі, вычышчаныя ад асяродку, наразаем тонкімі лустачкамі і выкладваем на дно формы. Зверху заліваем іх цестам.
• Выпякаем у духоўцы пры 180 градусах 30 хвілін. Гатоўнасць правяраем драўлянай палачкай.
• Пасля астывання пірог пераварочваем.
• Замест яблыкаў можам браць любыя ягады, слівы.

Дзякуем Наталлі Сыравегінай за падрыхтоўку рэцэпта.

Смачна есці!