Суп-пюрэ з чырвонай сачавіцы

Можа быць карысна пры наяўнасці такіх пабочных эфектаў лячэння як страта апетыту; сухасць і язвы ў роце і горле, цяжкасці з глытаннем; нейтрапенія.

Інгрэдыенты: — 1 л вады (ці агародніннага булёна) — 200 г чырвонай сачавіцы — 1 цыбуліна — 1 морква — 1 невялікі памідор (ці 1 ст.л таматнай пасты) — 1-2 ч.л сушанай мяты / сушеной мяты — 0,5-1 ч.л куркумы — 1 ч.л папрыкі — 1 жаўток — 150 мл малака — цытрынавы сок – на смак — молаты чорны перац – на смак

Чытаць/Скачаць на беларускай і рускай мовах можна ТУТ.

Спосаб прыгатавання:

• Чысцім гародніну, жаўток аддзяляем ад бялка.
• Прамываем сачавіцу, заліваем яе кіпнем, ставім варыць.
• Дробна наразаем цыбулю, на невялікія кубікі — памідор. Моркву здрабняем на буйной тарцы. Усё пасеруем на працягу 5-7 хвілін і дадаём у каструлю да сачавіцы. Таксама дадаём чорны перац, соль, мяту, куркуму.
• Размешваем і варым да гатоўнасці 7-10 хвілін на маленькім агні з прыадкрытым вечкам.
• Узбіваем жаўток з цёплым малаком і паволі памешваючы, дадаём да супу за 5 хвілін да гатоўнасці.
• Пасля таго як выключылі суп, можам здрабніць блэндэрам.
• Калі разлілі суп-пюрэ ў талеркі, можам спырснуць свежавыціснутым цытрынавым сокам, дадаць папрыку, якая будзе асабліва карыснай пры прастудзе!
• Пры неабходнасці выкарыстоўваем саломку.

Смачна есці!

Дзякуем Ірыне Жыхар за падрыхтоўку рэцэпта.