Салата з чырванакачаннай капусты і гарбуза

Можа быць карысна пры наяўнасці такіх пабочных эфектаў лячэння як страта апетыту; змяненне нюху і смак.

Інгрэдыенты: — 250 г чырванакачаннай капусты — 200 г гарбуза — 150 г яблыка — 3 ст. л аліўкавага алею — 2 ч. л сока цытрыны — 1 ч. л мёду — соль, молаты чорны перац – на смак — зярняты граната – для аздобы

Чытаць/Скачаць на беларускай і рускай мовах можна ТУТ.

Спосаб прыгатавання:

• Капусту дробна наразаем.
• Гарбуз чысцім ад лупіны і насення і здрабняем на дробнай тарцы.
• У яблыка выдаляем асяродак і здрабняем на буйной тарцы.
• Усё перакладваем у салатнік.
• Рыхтуем запраўку да салаты. Выціскаем сок з цытрыны. Дадаём мёд, соль, чорны молаты перац, алей. Усё старанна змешваем.
• Запраўляем салату запраўкай і аздабляем зярнятами граната.
• Адразу падаем да стала.

Смачна есці!

Дзякуем Ірыне Жыхар за падрыхтоўку рэцэпта.