Запяканка з кабачкоў

Рэцэпт на кожны дзень.

Інгрэдыенты: — 400 г кабачкоў (або цукіні) — 4 яйкі — 1 цыбуліна — соль, перац – на смак — 1 буйны памідор — 50 г цвёрдага сыру — алей для смажання — крэветкі або мяса курыцы ў якасці дабаўкі – па жаданні

Чытаць/Скачаць на беларускай і рускай мовах можна ТУТ.

Спосаб прыгатавання:

• Кабачок чысцім ад лупіны і семак і здрабняем на буйной тарцы. Даем гародніне крыху пастаяць, а затым адціскаем сок.
• Цыбуліну дробна наразаем і пасеруем.
• Палову цёртых кабачкоў дадаём да цыбулі і абсмажваем на невялікім агні каля 3-4 хвілін.
• Другую палову цёртых кабачкоў змешваем з яйкамі.
• Злучаем падсмажаную сумесь кабачкоў з цыбуляй з сырымі кабачкамі з яйкамі, солім і перчым на смак, старанна змешваем, а затым выліваем на гарачую патэльню з алеем.
• Наразаем памідор кружочкамі і выкладваем зверху на сумесь. Дадаём крэветкі або нарэзанае мяса курыцы, калі ёсць жаданне.
• Сыр здрабняем на буйной тарцы і пасыпаем зверху.
• Запякаем на невялікім агні да гатовасці ў патэльні пад вечкам або ў духоўцы пры 200 градусах 20-30 хвілін.

Дзякуем Наталлі Сыравегінай за падрыхтоўку рэцэпта.

Смачна есці!