Салата з чырвоных буракоў і мандарына

Можа быць карысна пры наяўнасці такіх пабочных эфектаў лячэння як страта апетыту; змяненне нюху і смаку; сухасць ў роце; завала.

Інгрэдыенты: — 2 вараныя буракі — 50 г чорнай сліўкі — 30 г грэцкіх арэхаў — 1 зубчык часнаку — 1 салодкі мандарын — 1 сырая морква — соль, молаты чорны перац – на смак — 1-2 ст.л маянэзу

Чытаць/Скачаць на беларускай і рускай мовах можна ТУТ.

Спосаб прыгатавання:

• Папярэдне адварваем буракі, прамываем і замочваем у гарачай вадзе на паўгадзіну арэхі і чорную сліўку.
• Чысцім гародніну і мандарын ад лупінаў.
• Наразаем на невялікія кавалачкі чорную сліўку, грэцкія арэхі, долькі мандарына. Перакладаем у салатніцу.
• Здрабняем на буйной тарцы моркву і буракі, на мелкай тарцы – часнок. Перакладаем у салатніцу.
• Дадаём молаты чорны перац.
• Запраўляем хатнім маянэзам.
• Усё старанна змешваем.
• Адразу падаём да стала.

Смачна есці!

Дзякуем Ірыне Жыхар за падрыхтоўку рэцэпта.