Курыныя тэфтэлі, запечаныя ў сметанкова-сырнай падліве

Рэцэпт на кожны дзень.

Інгрэдыенты: — 800 г курынага філе — 1 цыбуліна — 2 зубчыка часнаку — 90 г даўгазёрнага рысу — 250 мл вады — 200 мл вяршкоў тлустасцю 15-20% — 100 г цвёрдага сыру — соль – на смак — 0,25 ч.л чорнага молатага перцу — 0,25 ч.л молатай папрыкі — 0,25 ч.л заправы для курыцы — маленькі пучок зялёнай цыбулі — 1-2 ст.л алею

Чытаць/Скачаць на беларускай і рускай мовах можна ТУТ.

Спосаб прыгатавання:

• З курынага філе, часнаку і цыбулі робім густы фарш.
• Рыс варым да гатоўнасці, астуджваем да пакаёвай тэмпературы і дадаём у фарш.
• Фарш солім на смак, для водару дадаём спецыі, нарэзаную зялёную цыбулю. Змешваем да аднароднасці.
• Змочваючы рукі ў халоднай вадзе, фармуем круглыя ​​тэфтэлі. Выкладваем іх у жарастойкую форму, змазаную алеем.
• Адпраўляем форму з нарыхтоўкамі ў разагрэтую да 200 градусаў духоўку. Запякаем на працягу 20-30 хвілін.
• Рыхтуем сметанкова-сырную падліву. Для гэтага здрабняем цвёрды сыр на буйной тарцы, дадаём да яго вяршкі, чорны молаты перац. Паліваем тэфтэлі падлівай праз 20-30 хвілін пасля пачатку запякання і вяртаем у духоўку. Працягваем запякаць страву яшчэ 10 хвілін, каб сыр зверху расплавіўся і падзалаціўся.
• Гатовыя тэфтэлі ў сметанкова-сырнай падліве можна падаваць як самастойную страву або дапоўніць яе гарнірам.

Дзякуем Наталлі Сыравегінай за падрыхтоўку рэцэпта.

Смачна есці!